El sindicatu Manos Limpias denunció nos xulgaos d'Instrucción de Barcelona al expresidente de la Generalitat de Cataluña Jordi Pujol por cometer presuntamente seis delitos dempués de que'l vienres confesara que caltuvo fondos sin declarar nel estranxeru dende l'añu 1980.
La denuncia, a la que tuvo accesu Europa Press, atribúi al exxefe del Gobiernu catalán y presidente d'honor de Convergència i Unió (CiU) un delitu fiscal, sobornu, tráficu d'influencies, blanquéu de capitales, prevaricación, falsedá en documentu públicu y malversación de caudales públicos.
El colectivu tamién pide al xulgáu que dirixa l'acción penal contra la esposa de Jordi Pujol, Marta Ferrusola, a la qu'atribúi'l papel de "cómpliz y encubridora" de los delitos que s'imputen en calidá de nicios al exmandatariu catalán, de la que reclama la declaración ante'l xuez tanto del matrimoniu como de los sos fíos Jordi, Oriol y Marta.
Foto: E.Press.
