Xerusalén (E.P.) .-

   Los palestinos qu'acabaron cola vida de trés colonos israelinos nun actu qu'españó l'actual operación militar d'Israel en Gaza formaben parte d'una célula afiliada col movimientu islamista Hamás pero que nun operaba baxo les ordes de la cúpula, según declaró'l voceru de la Policía israelina, Micky Rosenfeld, a la cadena BBC.

   Acordies con un corresponsal de la cadena británica, el voceru esplicó que, d'ordenar Hamás el secuestru a una de les sos célules, probablemente Israel sabríalo con antelación. Sicasí, grupos "solitarios" son más difíciles de rastrexar.

   Rosenfeld repitió que la Policía israelina va facer tolo posible p'atopar a los que protexeren a los dos palestinos.

   Hasta agora, les autoridaes israelines responsabilizaren d'estos fechos a Amar Abu-Eisha, de 33 años, y Marwan Kawasmeh, de 29, dambos d'Hebrón, y que cumplieren penes de cárcel por delitos de terrorismu en prisiones israelines. Hamás confirmó que dambos son miembros d'esta organización.