Representantes d'ambos colectivos ofrecieron una rueda prensa col abogáu Gerardo de la Iglesia, que los representará nesti procesu. El lletráu esplicó qu'envió un requerimientu de cese d'actividá con un plazu de diez díes. Nel casu contrariu van entamar la vía llegal. Sicasí, yá da por fechu que l'asuntu va acabar resolviéndose ante'l xuez.

   De la Iglesia calcó en que'l Gobiernu autonómicu atribuyóse competencies en materia de tresporte urbano "que correspuenden al Conceyu". Por esti motivu, llamó l'atención del Consistoriu, que "debería tamién tomar una iniciativa". Según la versión de los taxistes, 300 autobuses interurbanos, con destín o orixe en delles zones d'Asturies, tán efectuando paraes a diario nel centru hospitalariu, emprestando un serviciu que tendría que corresponder al les entidaes del tresporte urbanu: los autobuses del TUA y los taxis. "Crearon una estación d'autobuses illegal", señaló Lucía García Alonso, del despachu de De la Iglesia.

   La situación, según los representantes de los taxistes supón un perxuiciu pa ellos y pa los autobuses urbanos, pero tamién pa l'actividá económico y comercial de la ciudá, puesto qu'estos servicios interurbanos torguen que'l viaxeru d'otres zones d'Asturies que se desplaza al HUCA caltenga "nengún tipu de relación cola ciudá". "Nun va asoceder esi engranaxe económicu que tendría de notase na ciudá", señaló Gabino Pérez Santos, tamién representante del taxi.

Foto: E.P.