Desconozse l’orixen del misteriosu fosu atopáu na península de Yamal, en Siberia occidental, que bien pudiera formase pola cayida d’un meteorito, según informaron periodistes de la cadena rusa RT.

Por más que se deconoza l’orixen del fosu,  los pilotos del helicópteru decidieron nun aterrizar na zona, pero filmaron un breve videu –que pue vese en youtube- y tomaron fotos del llugar.

“El tamañu del cráter ye tan grande que dientro pudieran aterrizar varios helicópteros MI8”, aseguraron los pilotos a los medios locales. Agregaron que na parte inferior del cráter cuerre una poderosa corriente d’agua.

“Los indicios más claros qu’apunten hacia l’impactu d’un meteoritu son qu’alredor del cráter apréciase un atropamientu de tierra procedente del centru del furacu y el color escuru del orificiu, qu’evidencia l’efectu térmicu sobre la tierra”, según informaron los citaos periodistes de la cadena rusa.

Esti cráter va ser estudiáu por científicos rusos, que próximamente van viaxar a la zona. “Van tomar muestres pa una analís inicial del agua, del suelu y del aire pa ver lo que ye en realidá”, informaron tamién sobre ellos los periodistes de la RT.