El músicu de blues Johnny Winter morrió esta nueche a los 70 años. Al nun tar clares les causes del decesu, la fiscalía ordenó realizar una autopsia, según informó la policía de Zurich. Sicasí, la portavoz del cantante puntualizó que nun había nicios d’una intervención ayena.

Ñací en Texas, Winter ta consideráu ún de los guitarristes de blues más importantes y ye ún de los pocos blancos que tien l’honor de formar parte del Blues Hall of Fame.

Fíu d’un propietariu d’una plantación d’algodón, de mozu formó la so primer banda xuvenil col so hermanu Edgar, tres años menor. En 1969 firmó’l so primer contratu importante y actuó nel Festival de Woodstock.

Con too, decepcionó a los fans del rock, que veíen él a un nuevu Hendrix, yá qu’él siempre se decantara polos ritmos del blues.

Tres d’algamar la fama, tuvo de tomar una llarga temporada de parón pa tratar la so adicción a la heroína. Col so LP tituláu “Still Alive and Well”, que fuera un gran éxitu, Winter cellebró en 1973 el so regresu.

A fines de los 70 cumplió ún de los sos sueños al tocar y producir un discu col so almiráu Muddy Waters, otra lleenda del blues. Tres d’ellos súpose enforma poco d´él.