El músicu canadiense Neil Young conviértese a los sos 68 años n’empresariu: responsabilizóse de la start-up qu’él mesmu llanzó, Pono, que quier sacar al mercáu un reproductor y un servidor de descargues de música que se distinga pola buena calidá.

Pono consiguiera de los usuarios d’internet unos 6,2 millones de dólares pa esta aventura na que Young ye la principal fuerza impulsora del proyectu, pero na qu’él tien dexada la xestión empresarial a otros.

El serviciu va entamar enantes de la fin d’añu nos Estaos Xuníos, Canadá y el Reinu Xuníu, según informó güei la plataforma de música Omnifone, que va ser la que xestione la venta de descargues como empresa asociada. Omnifone tien a la venta alredor de 35 millones de canciones n’alta calidá.

Inda que col avance de los smartphones los reproductores de música perdieron tarrén, a Yaoung interesó-y la idea de que pudiera existir un mercáu portencialmente llucrativu pa la música d’alta calidá.

Ponoplayer consiguiera la cantidá de 800 mil dólares a la qu’aspiraba yá’l primer día qu’apienzara a recoyer dineru pa la iniciativa. La idea ye que la primera xeneración de Ponoplayer salga n’ochobre por 399 dólares (293 euros). Los desarrolladores nun apuesten polos formatos comprimíos de MP3 o AAC, sinon pol formatu abiertu FLAC, con más grande resolución. Los datos FLAC suenen meyor, pero tamién ocupen más espaciu.