El festival de música Super Bock Super Rock faise mayor y celebra esti añu la so vixésima edición consolidáu como una cita de referencia en suelu portugués, onde fuera pioneru.

Massive Attack, Eddie Vender –vocalista de Pearl Jean- y Kasabian son los cabeces de cartelu nesta efemérides, que dende’l xueves y hasta’l día 19 ha facer disfrutar a les alredor de 30 mil persones que s’espera enllenen el recintu, asitiáu en Meco, al sur de Lisboa.

La vera’l mar, el sol y delles de les meyores playes del país ye ún de los atractivos que destaca la organización. El Super Bock Super Rock ye consideráu como’l primeru n’aniciar la moda de los festivales en Portugal, país nel que namás esti branu acueye a decenes d’ellos, representantes de diferentes estilos: dende la música indie del Optimus Alive y del de Paredes de Coura, hasta los ritmos más ellectrónicos del Meo Sudoeste.

La primer edición del Super Bock Super Rock remóntase al añu 1995, en Lisboa, cellebráu xunto al ríu Taxu y que contó con The Cure o Morphine como grandes estrelles.

Nestes venti ediciones el festival congregó a artistes de l’altor de Prince, David Bowie, Metallica, Rage Againts the Machine, Ben Harper, Placebo, Arcade Fire, Franz Ferdinand, Queens of the Stone Age, Duran Duran o Arctic Monkeys, ente bien d’otros.