La novela “Los enamoramientos”, de Javier Marías, fue distinguida col premiu internacional de lliteratura Giuseppe Tomasi di Lampedusa, que-y va ser entregáu en Sicilia’l viniente 5 d’agostu, informó güei nuna nota de prensa la editorial Alfaguara.

El xuráu de la oncena edición del galardón, que recayó l’añu pasáu en Mario Vargas Llosa, tuviera compuestu por Salvatore Silvano Nigro, Giorgio Ficara y Mercedes Monmany. “Los enamoramientos”, traducida n’italianu como “Gli Innamoramenti”, fue publicada n’Italia pola editorial Einaudi.

La novela, editada en 2011 y tornada yá a 29 llingües, escoyérase como meyor llibru del añu pol suplementu Babelia, d’El País, en 2001; recibiera’l XIV Premiu Qué Leer, qu’otorguen los llectores d’esta revista lliteraria; y fue finalista al National Book Critics Circle Award, como meyor novela publicada nos Estaos Xuníos en 2013. Amás, fuera seleccionada pol diariu The New York Times ente les cien meyores obres de ficción de 2013.

Alfaguara tien previsto publicar el próximu 23 de septiembre la nueva novela de Javier Marías, “Así empieza lo malo”, un llanzamientu que va ser simultaneu en tol ámbitu de la llingua castellana.