Madrid (E.P.) .-La deuda neta de les entidaes españoles col Bancu Central Européu (BCE) cayó un 6,69% nel mes de xunu sobre'l mes anterior, hasta los 173.088 millones d'euros, la mayor cayida mensual esperimentada dende febreru del 2012, según los datos provisionales fechos públicos pol Bancu d'España.

   La deuda de la banca española col organismu que preside Mario Draghi baxó en 12.426 millones d'euros en xunu al respecto de mayu. En tasa interañal, la deuda baxó un 30,77%.

   La deuda de les entidaes financieres subió en casi 80.000 millones d'euros en marzu del 2012 y superó los 200.000 millones. Pese al repique sufríu'l mes pasáu, agora queda claramente perbaxo d'esta barrera y lloñe del máximu de 388.736 millones rexistráu n'agostu del 2012.

   Esti importe ye'l saldu vivu que les entidaes residentes n'España tovía tienen pendiente de devolver al institutu emisor européu de resultes de la financiación que l'organismu concedió-yos de primeres.