Madrid (E.P.) .-La Policía va poder treslladar a los ciudadanos sospechosos de participar n'alguna actividá delictiva a comisaría pa la so identificación, y obligarálos a permanecer ellí mientres un máximu de seis hores, según el proyectu de llei de Seguridá Ciudadana aprobáu pol Gobiernu nel Conseyu de Ministros y enviáu al Congresu de los Diputaos.

   El ministru del Interior, Jorge Fernández Díaz, presentó esti vienres el testu aprobáu pol Executivu con numberosos cambios respecto al primer anteproyectu de payares del pasáu añu. Los cambios obedecen a los encamientos recibíos dende numberosos órganos consultivos y organizaciones sociales y que "arriquecen" el testu, según el ministru.

   Fernández Díaz defendió que'l proyectu de llei, que sustitúi a la denominada 'Llei Corcuera' de 1992, ye "fondamente garantista" y tien "plenu encaxe" na Constitución. Estrema les sanciones en trés niveles, leves (multes d'ente 100 y 600 euros), graves (ente 601 y 30.000 euros) y bien graves (ente 30.001 y 600.000 euros). Estes dos últimes consideraciones puen diferenciase de la mesma en graos: mínimu, mediu y máximu.

   Ente los aspectos más polémicos de la futura llei, el de les manifestaciones, el ministru defendió que nun se modifica l'actual regulación y "namás pretende sancionar les acciones violentes, agresives o coactivas" y amás multa los perxuicios al desarrollu d'una manifestación.