La banda británica Pink Floyd, que fuera fundada nel añu 2964 pol baterista Nick Mason, el teclista y coalista Richard Wright, el baxista y vocalista Roger Waters, y el guitarrista y vocalista Syd Barrett, va publicar n’ochobre un nuevu discu, el primeru en 20 años, que va llevar el títulu de “The endless river”.

L’anunciu que fizo na rede social Twitter la escritora Polly Samson, que ta casada col guitarrista del grupu, David Gilmour, qu’escribiera delles lletres del so discu. “Basáu nes sesiones d’estudiu de 1994, ye’l cantu de cisne de Rick Wright y ye mui hermosi”, escribió Samson nun tuit publicáu’l sábadu, y qu¡asombró a los fanáticos de la banda. El teclista Wright, miembru fundador del grupu, morriera en 2008.

Dende la so fundación en 1965, Pink Floyd vendiera unes 250 millones de copiest en discos como “Dark side of the moon” y “Wish you were here”. El d’agora va ser el so primer discu depués de “The division bell”, de 1994.

La noticia fuera confirmada pola cantante Durga McBroom-Hudson, corista de la banda. “De salir un nuevu discu de Pink Floyd, yo voi tar nél”, escribió en lletres mayúscules na cuenta d’ella de Facebook, un comentariu qu’amás taba illustráu con una fotografía d’una sesión de grabación xunto con Gilmour.

La última vez que Pink Floyd s’axuntara pa un conciertu fue en 2005 y nun se sabe si van volver a los escenarios pa promocionar el nuevu discu.