Madrid (E.P.) .-El Tribunal Supremu estimó'l recursu que la Fiscalía Anticorrupción presentó contra la decisión de l'Audiencia Nacional d'archivar les dilixencies poles que'l presidente de la cervercera Damm, Demetrio Carceller Arce, resultó imputáu pol xuez Pablo Ruz por delitos contra la Facienda Pública. Anticorrupción presentara escritu d'acusación contra él solicitando 14 años de prisión como responsable de delitos contra la Facienda Pública y blanquéu de capitales.

   Fontes fiscales señalaron a Europa Press que'l recursu, presentáu'l pasáu mes de xineru, estimóse y qu'ello va obligar a l'Audiencia Nacional a siguir alantre coles actuaciones.

   L'autu pol que se sobreseyó la causa firmárenlu los maxistraos de l'Audiencia Nacional Alfonso Guevara, María de los Ángeles Barreiro y Guillermo Ruiz-Polanco.

   Nesta resolución, notificada'l pasáu 2 de xineru, estimáronse los argumentos del abogáu José Antonio Choclán y señalábase que producía "cierta estrañeza" qu'anque les actuaciones entamóles Ruz en xunu del 2009 contra Demetrio Carceller Coll, expresidente de la cervecera y padre de Carceller Arce, ésti últimu nun resultara imputáu hasta xunu del pasáu añu, bien poco primero de zarrase la instrucción.

   Añadíase que'l procesu que s'archivaba en nenguna manera tenía que perxudicar a la honorabilidá del empresariu.

   Nel autu dictáu pola Audiencia Nacional agora revocáu señalábase que "tres l'exame de les actuaciones, resulta cierto de toa seguridá que los datos conseñaos como inculpatorios tomaos en consideración en dichu autu -6 de xunu d'anguaño- preexistíen con notable anterioridá al mesmu, sin que (...) s'añadieren otros datos novedosos (...) como resultáu d'ulterior investigación que permitieren la tamién novedosa imputación".