El papa Francisco designó al xesuita italianu Gianfranco Chirlanda como “asistente” de la controvertida congregación ultraconservadora Llexonarios de Cristu, enfotada en llimpiar el so pasáu marcáu pola pedofilia del so fundador, el mexicanu Marcial Maciel.
L’asistente pontificiu, de 71 años, expertu en derechu canónigu, va tener d’asesorar en forma especial a la entidá pa que rectifique varios puntos de los nuevos estatutos adoptaos al entamar esti añu pola poderosa congragación, presente en 22 países, bien d’ellos d’América llatina.
El nomamientu del nuevu asesor anuncióse esta selmana a lo llargo d’un aconceyamientu en Roma ente’l prefectu de la Congregació pa los Institutos de Vida Consagrao y Sociedaes de Vida Apostólico, el cardenal brasileñu Joâo Braz de Aviz y el nuevu director xeneral de los Llexonarios, el relixosu mexicanu Eduardo Robles-Gil.
El Vaticanu, aporfió pela parte d’él, que se trata d’un asistente y non d’un comisariu, yá que nun va tener derechu a votar, anque va partcipar nos aconeyamientos del Conseyu Superior de la congregación.
L’asesor tien como principal encomienda la de rectificar pa que resulten “más explícitos” dos puntos importantes de los nuevos estatutos: la referencia alConciliu Vaticanu II (1962-1965), l’asamblea que modernizó a la Ilesia a mediaos del sieglu XX, y los llazos ente los Llexonarios y l’influyente movimientu laicu Regnum Cristi.
La congragación conservadora, fundada en 1941, llogró a lo llargo de décades ocultar les denuncies escontra Maciel y contó cola protección d’altos xerarques del Vaticanu durante’l pontificáu de Juan Pablo II (1978-2005), que consideraba a los llexonarios un exemplu de virtú católica.
Conun pidimientu collectivu de “perdón” por “los comportamintos graves y obxetivamente inmorales” cometíos por Maciel, pronunciada al través d’un comunicáu divulgáu en febreru pasáu en Roma tres d’una serie de reuniones extraordinaries, el movimientu intentó “entamar una nueva etapa” después de tar a un cantu de la disolución por tener protagonizao ún de los más grandes escándalos de la Ilesia.
