Un últimu gran tour pola música tradicional cubana: el célebre Buena Vista Social Club, la banda que renovara va años l’imaxinariu de Cuba y les sos dances populares en tol mundu a finales de sieglu, va entamar esta selmana una llarga despidida que los va llevar per países d’Europa y Amércia a lo llargo de más d’un añu.

El “Adiós Tour” va entamar en Praga esti 25 de xunu y tien de finar 16 meses depués en La Habana, con un concierti final nel emblemáticu Teatru Karl Marx de la capital cubana. L’adiós, contó la orquesta na anuncia de la xira, débese a la necesidá de qu’haya un relevu xeneracional en defensa de la música tradicional cubana.

La orquesta nun va volver tocar en xuntu riba un escenariu, pero sí cada ún de los músicos que formó parte del proyctu lo va facer colos sos respectivao grupos y trabayos.

Veteranu de la escena internacional dende los años 90, el Buena Vista Social Club nun aparez dafecho xunto dende va tiempu. Pero na imaxinación collectiva queden les imáxenes coles que dieron una nueva proyección musical a la islla a finales del sieglu pasáu.

Amás de los soníos y los ritmos tradicionales cubanos como’l son, el danzón, el bolero y les sos mestures cola salsa o la influencia de la trova, fuera más que nda’l documental “Buena Vista Social Club”, del cineasta alemán Win Wenders, el qu’anovara la idea del acervu musical cubanu.

La gran pantalla inmortalizara d’aquella a un grupu de veteranos artistes que parecía sobrevivir al pasu del tiempu al ritmu de los sones populares nos vetustos barrios habaneros, precedíu por un mediáticu Compay Segundo, a los sos 90 años. La idea surdiera d’un viaxe que ficiera a La Habana’l guitarrista estadounidense Ry Cooder, nel que fizo una grabación colos músicos cubanos. L’éxitu del discu de 1996 llevólos a dar un conciertu en 1998 n’Ámsterdam y depués nel Carnegie Hall de Nueva York.