La más grande amuesa individual enxamás realizada pol artista y disidente xinu Ai Weiwei atrayó en tres meses a más de 200 mil persones al muséu Martin Gropius Bau de Berlín. El director del muséu, Gereon Sievernich, comentó que yera dalgo dafechamente sorprendente.

L’amuesa, titulada “Evidence”, presenta nunos tres mil metros cuadraos d’instalaciones, pieces de videoarte, escultures y fotografíes, reflexos de la mirada irónica y la mordacidá política d’Ai Weiwei. Parte de les obres fueron diseñaes espacialmente pol artista pa l’amuesa.

Sievernich llamentó que l’artista probablemente nun pudiera acudir a l’amuesa. Les autoridaes xines retiraron el pasaporte a Weiwei va tres años.

La exposición, una de les más grandes cites artístiques n’Europa, va ser allargada una selmana más, hasta’l 13 de xunetu, por mor del interés que vien despertando dende la so inauguración.