La exministra socialista de Fomentu Magdalena Álvarez decidió renunciar al so puestu de vicepresidenta del Bancu Européu d'Inversiones, según dixo ella mesma en declaraciones a la Cadena Ser.

   Álvarez, exconseyera andaluza de Facienda, ta imputada pola xueza Mercédes Alaya nel casu sobre los espedientes de regulación d'empléu (ERE) irregulares n'Andalucía y dende aquella'l Gobiernu español llamó a la so "responsabilidá" pa pidi-y que dexara'l so puestu.

   La exministra aseguró que la so marcha "nun tien nada que ver" cola so situación d'imputada, sinón más bien cola presión del PP. "Dimití porque too tien una llende y la maniobra, la manipulación y l'acosu del PP fai buelga en mí, nel Bancu y n'España", afirmó, acusando al PP de querer "pa otru" el puestu al qu'ella considera que tien "derechu".