Los trabayadores por cuenta propia que ganen menos de 12.000 euros al añu van tributar a un tipu del 15% a partir de xunetu, frente al 21% que teníen que pagar hasta agora, tal como avanzó'l ministru de Facienda y Alministraciones Públiques, Cristóbal Montoro.
Na rueda prensa pa esplicar les llinies básiques de la reforma fiscal, Montoro dixo tamién que'l tipu xeneral de los autónomos, qu'hasta agora taba ubicáu nel 24%, va baxar al 20%.
Según el ministru, estes midíes van entrar en vixencia "con calter d'urxencia" y van empezar a funcionar a partir del 1 de xunetu coles mires de favorecer la competitividá de les empreses españoles.
