A pesar de los sos años, los Rolling Stones nun aparen. Nos sos multitudinarios conciertos n’Europa representen nel ámbitu del rock and roll lo mesmo que’l programa del Inserso nel programa vacacional cvorrespondiente al Ministeriu: siempre muestren el cartel de les entraes engotaes.

Amuesa de la ewpectación que tien despetao esta xira, na que que van actuar delantre de tres cuatros de millón de persones, ye qu’el malapenes once hores escosaron les 54 mil entraes puestes a la venta pal so conciuertu del día 25 nel estadiu Santiago Bernabéu de Madrid.

Un récord “lentu” por mor de qu’en Madrid el sistema colapsárase ante l’ábanu de xente demandando entraes y si se compara colos 8 minutos que se tardaron en vender 18 mil entraes en Berlín, los 13 minutos de les 25 mil d’Oslo o los 51 minutos de les 75 mil en París.

Les sos vetustes satániques maxestaes sumen ente toos (Mick Jagger, Keith Richards, Ron Wood y Charlie Watts) 285 años, anque nel escenariu tienen d’amosar la enerxía musical d’unos ventiañeros y siguen nel cantu de la fola.

Yá na so xira de 2006, “A Bigger Band”, l’inexorable avance de la edá mostróse inclemente con ellos, cuando se conoció que nún de los conciertos en Noruega tuvieran acompañaos d’un xeriatra que velara pola salú de los cuatro.

Que la xira se llame “14 On Fire” fue tamién motivu d’especulaciones, yá qu’hailos qu’aseguren que los Rolling namás puen ufrir que 14 conciertos siguíos, el númeru máximu que les aseguradores s’atreven a asumir, tres de los problemes que sufriera Richards de la que cayera d’un cocoteru y, en xeneral, pola edá de toos ellos.