El cineasta español Pedro Almodóvar fue’l ganador del premiu Lumière 2014, tan acabante d’anunciar los organizadores del Festival de Cine de Lyon, que va cellebrar la so sexta edición del 13 al 19 d’ochobre vinientes.

Almodóvar “ye una figra esencial de la Movida” y encarna “una cierta idea d’España”, dixo güei nuna conferencia de prensa’l director del Institutu Lumière, Thierry Frémaux, delegáu xeneral del Festival de Cannes.

El realizador manchegu, de 64 años, siguie los pasos de Quentimn Tarantino, galardonáu en 2013, Ken Loach (2012), Gérard Depardieu (2011), Milos Forman (2010) y Clint Eastwood (2009).

El cineasta va recibir el 17 d’ochobre que vien esti nuevu premiu, que se va sumar a otros como l’Óscar obteníu en 2000 col filme “Todo sobre mi madre” y los Goya a la meyor película y al meyor director por “Volver” (2007).

El Premiu Lumière fuera creáu en 2009 por Frémaux pa reconocer la treyectoria d’una personalidá del séptimu arte nesta ciudá del este de Francia, la mesma onde los hermanos Louis y Auguste Lumière rodaran en 1895 la so primer película: “La salida d’obreros de la fábrica”.

El galardón entrégase a lo llardo del Festival de Lyon, qu’en 2013 contabilizó 135 mil espectadores y que va dedicar la so próxima edición al cine clásicu, con homenaxes a l’acrtiz italiana Isabella Rosellini y al director canadiense Ted Kotcheff, asina como la proyección de tola saga “Alien”, ente otres propuestes.