La capital estadounidense va tener un gran muséu internacional sobre’l comunismu, alredor d’una contsrucción millonaria que se proxecta nel centru de Washington, según planes daos a conocer güei pola Fundación pa la Memoria de les Víctimes del Comunismu.

Espérase que’l muséu entame a funcionar n’ochobre de 2017, en coincidencia excata colos 100 años de la revolución bolchevique en Rusia. “Inda hai rexímenes autoritarios comunistes de partíu únicu que reprimen y maten a xente, dende Pekin a Caracas”, criticó Marion Smith, directora executiva del proxectu.

El gobiernu d’Hungría yá dio a conocer que va donar un millón de dólares pa construyir el muséu. Hungría sufrió a lo llargo de 45 años el dominiu soviéticu, dende’l final de la segunda guerra mundial hasta 1991, poco enantes del colapsu de la Xunión Soviética.

Inda tien de decidise onde se tien d’allugar, si xunto al National Mall de Washington o en dalgún otru puntu de la capital de la nación, dixeron los sos organizadores.