La serie, que ta tovía nes sos primeres fases de desenvolvimientu, va ser producida por Bel Silverman y Teri Weinberg, que yá trabayaran con Hirst notres ficciones televisives.

El nuevu trabayu del guionista, responsable tamién de la serie producida pal canal Yhe History Channel “Vikings”, va formasr parte d’una llinea de programación de la NBC qu’inclúi’l musical “The Sound of Music” y miniseries como “Rosemary’s Baby”.

La hestoria del cuartetu de Liverpool yá sirvió d’inspiración a varies películes, dende la recreación de los primeros pasos de John Lennon en “Nowhere Boy” (2009) a una hestoria sobre’l mánager de la banda, Brian Epstein, qu’anguañu s’afaya en fase de producción.

Los Beatles siguen siendo un fenómenu planetariu, por más del tiempu que lleva pasáu dende la publicación del so caberu trabayu discográficu en xunto. Cada una de les recopilaciones posteriores a la so disoculión convirtióse nun descomanáu éxitu de ventes.