Los yhadistes del Estáu Islámicu de Siria ganen cada vez más tarrén n’Irak, ante la impotencia cada vez más grande del primer ministru Nuri al Maliki. El mundu observa con preocupación cómo se funde’l país. Estes son seis de les razones d’ello:

1 Los Estaos Xuníos abandonó un país inestable y cometió dos fallos: primero la invasión del país alegando tener prebes de la producción d’armes de destrucción masives y depués retiráronse aína. Derrocando a Sadam Husein dexaron a la población inmersa nuna división étnica y relixosa.

2 Al Maliki nun fue quién a xunir al país. Lleva ocho años gobernando, continúa en llucha escontra los kurdos del norte, demientres sunistes del oeste y del sur siéntense discriminaos, más que nada por crear un exércitu d’élite con soldaos shiís.

3 Los yihadistes son aceptaos en bien de llugares como un mal menor. 80 mil soldaos del exércitu nun fueron quién a frenar a 10 mil yihadistes. La población suní observa en silenciu l’avance d’estos yihadistes, demientres l’exércitu se repliga hasta Bagdá.

4 El legáu de la primavera árabe dexó un sueñu truncáu. Los yihadistes son el frutu de la guerra d’Irak ente 2003 y 3011 y el fechu de que torne a Irak ye tamién el resultáu del fracasu de los esfuerzos por algmar más grande democracia nel país.

5 Irak sufre les consecuencies d’erros hestóricos, por mor de la dixebra ente confesiones: los árabes sunís d’Arabia Saudita, los shiís perses d’Irán y los sunites turcos dispútense la influencia na rexón. Ingleses y franceses trazaron unes fronmteres nel desiertu que nun se correspuenden con nenguna realidá.

6 Los kurdos ven cerca la oportunidá de la so independencia. Más que nada porque nes disputes pol poder, los kurdos siempre fueron los perdedores nel últimu sieglu d’hestoria. Namás cola invasión americana de 2003 pudieron instaurar una rexón autónoma nel norte del país. Al abandonar, al sur, los soldaos irakíes les ciudaes de Mosul y Kirkuk, los peshmergues kurdos tan ocupando esti vacíu y allargando’l territoriu d’influencia kurda.