Uviéu (E.P.) .-La Policía Nacional identificó a un presuntu estafador qu'engañaría a una moza per Internet nun portal de compres. La muyer pagó per un teléfonu móvil, pero cuando recibió'l paquete en cuestión nun contenía terminal algún. Nel so llugar enviáren-y un exemplar del cuentu de 'Blancanieves y los siete enanitos'.

   De primeres, acordaren, tres delles negociaciones per corréu electrónicu, el preciu del presuntu teléfonu, en 225 euros. Como la moza, vecina d'Uviéu, nun se fiaba muncho del so interlocutor, esixó-y una prueba antes d'ingresar el dineru na cuenta solicitada. Cuando-y enviaron un resguardu postal pa efectuar un envíu al so nome, la moza dirixóse al so bancu y fizo l'ingresu de dineru pactáu.

   Al recibir el paquete diose cuenta que too fuera mentira. Lo que contenía l'envíu yera'l cuentu de 'Blancanieves y los siete enanitos'. Del teléfonu móvil, nin rastru.

   En comprobando que-y cargaren el dineru, la muyer presentó la denuncia correspondiente. Los investigadores, dempués de numberoses xestiones, llograron averiguar la identidá de la persona qu'efectuó'l cobru del dineru y punxeron los fechos en conocencia de l'autoridá xudicial.