Madrid  (E.P.) .-Yá tenemos equí les primeres imaxes en movimientu de Fury, la película na que Brad Pitt torna a la Segunda Guerra Mundial y que fizo la so presentación nel marcu del E3.

   Nesti avance, publicáu n'esclusiva por IGN, ofrecen una primer güeyada a la cinta escrita y dirixda por David Ayer ('Sin Tregua', 'Dueños de la calle') y les impresiones dende'l mesmu set de rodaxe de los miembros del repartu y del equipu técnicu.

    Una película que relata les andances en territoriu alemán d'un comandu de soldaos estaounidenses a bordu d'un tanque (El Fury) mientres el tramu final de la Segunda Guerra Mundial.

    Cinco homes lideraos por Wardaddy (Pitt) que n'abril de 1945 métense tres les llinies enemigues cola misión de golpiar nel corazón de l'Alemaña nazi.

   Xunto con Pitt, que torna a la Segunda Guerra Mundial que yá visitó de la mano de Quentin Tarantino en 'Malditos Bastardos', en Fury vamos ver tamién un bon puñáu de cares conocíes.

   Ellí van tar Shia LaBeouf, qu'en montándose nos autobots de Trasformers prueba agora suerte colos tanques; Logan Lerman, el mozu Percy Jackson al que yá vimos na notable 'Las ventajas de ser un marginad' o 'Noé'; Michael Pena, un avezáu del cine d'acción al que vimos en cintes como 'Gangster Squad' o 'Sin tregua'; y Jon Bernthal, que sigue atropando proyectos y al que vimos en 'El lobo de Wall Street', 'Grudge Match' o 'El mensajero'.