Al afayase unos 800 esqueletos de neños nuna antigua fgose séptica averada a un conventu de monxes xeneró estas selmana polémica n’Irlanda, onde la ilesia católica afrontó décades d’escaándalos polos casos d’abusos a miles de menores.

Anque nun hai confirmación oficial, la investigación d’una hestoriadora irlandesa nun dexa cásique llugar a duldes de que podría haber 796 bebés y otros menores enterraos ensin identificar no qu’antiguamente yera un convetu católicu en Tuam, nel condáu irlandés de Galway (oeste d’Irlanda).

Catherine Corless descubrió cerficiaos de defunción qu’indiquen que cientos de cadáveres de neños pueden xacer nel espaciu qu’ocupaba un tanque sépticu del edificiu conocíu como “El Llar”, qu’acoyía a madres solteres y que tuviera rexíu de 1926 a 1961 pola xermandía de monxes de Bon Secours.

L’autora diz que ye namás la punta del iceberg pues el gobiernu irlandés guarda en secreto los certificaos d’alredor de 4 mil bebés que fueran sapozaos n’otres foses ensin identificar durante décades.

Los restos óseos afayáronse nesi depósitu en 1975 pero nue fuera hasta agora, por mor a esos certificaos de defunción, que se relacionó dambos fechos y llegó a pensar que les relixoses se desficieron de los cadáveres ensin da-yos un entierru dignu.

Ante l’estupor xeneral que provocó la noticia, el secretariu d’Estáu d’Educación y diputáu per Galway, Ciaran Cannon, pidió güei al gobiernu, de coalición ente conservadores y llaboristes, qu’investigue urxente’l casu. Los ministros de Xusticia y d’Infancia comprometiéronse a estudiar esti asuntu esta selmana pa determinar la meyor vía d’actuación.