Esti domingu 8 de xunu va tener llugar a partir de les doce de la mañana la entrega de premios del XXII Concursu y Muestra de Folclor Ciudá d’Uviéu, que va abrir como l’añu anterior l’Agrupación Ensame de la Escuela de Música Tradicional del Ayuntamientu d’Uviéu.

Sobre l’escenariu van intervenir los ganadores de cada una de les modalidaes: Alejandro Peláez, campeón del apartáu de tonada xuvenil, Carla Blanco y Adrián Fernández, campeones como pareyes de baille, premiu Antón Sastre Bilbao; Lorena Corripio, campeona de voz femenina, premiu La Busdonga; Jesús Fernández, campeón como gaiteru solista, premiu Remis Ovalle; Jorge Tuya, campeón de voz masculina, premiu Manolo Delgado; y la Schola Cantorum Virxen del Carbayu, campeones de la modalidá de coros de voces mixtes, premiu José María Marcilla.

Xunto a ellos van pasar pel escenariu del Teatru Campoamor tolos siguientes clasificaos, xunto a actuaciones de grupos como’l Quinteto Da Capo, la pareya de baille ointegrada por María Lanza y Alfonso Carrera, la cantadora María del Rosario González, el gaiteru Vicente Prado El Pravianu, el cantador Che de Cabaños, y el cantante de lírica Juan Antonio López Brañas, acompañáu por Santos Alonso, a la guitarra.

Con esti actu finen tolos correspondientes a esta edición del Ciudá d’Uviéu, qu’entamrá de nuevo nel mes d’ochobre coles eliminatories de la XXIII.