Xixón (Europa Press).-Los trabayadores de la planta xixonesa de Tenneco Automotive acordaron esti vienres, n'asamblea, nun salise de la llinia de negociación marcada y centrase nun Plan Industrial pa un mínimu de 150 emplegaos, confirmó a Europa Press un voceru del Comité d'Empresa, César González.

   González apuntó qu'amás de esi númberu, tendrá de dicise qué producción y qué maquinaria va precisase. La propuesta volverá repitise'l próximu martes na xunta que van caltener con responsables de la multinacional na sede del Idepa, a les 11.00 hores.

   En cuanto al tema de les prexubilaciones, calcó en que los trabayadores yá cumplieron con asistir voluntariamente a la xunta entamada por Tenneco na que se-yos esplicó en qué condiciones quedaríen.

   Nesti sen, el Comité d'Empresa calcó en que ye la mesma propuesta que cuando s'empezó a negociar l'ERE. Resaltó, amás, qu'a la perda mínima d'un 23 por cientu habría que sumar lo que se dexaría de percibir por subíes salariales. Una perda que, según González, "agora sobre'l papel nun se ve".