Uviéu (E.P.) .- Un home de 71 años denunció ser víctima del timu del 'tocomochu' pol que-y estafaron 25.000 euros. Según la Policía Nacional, el vieyu alcontrárase con una persona d'unos 20 años que supuestamente sufría dalgún tipu de discapacidá mental que-y enseñó un cupón supuestamente premiáu pol que'l vendedor del mesmu ofrecía-y "2.000 pesetes" a cambiu.

   L'estafador aseguró que tenía más cupones y que "taba convencíu" de que teníen más valor, polo que solicitó l'ayuda de la víctima. Nesi momentu apaeció'l segundu de los estafadores, que procedió a comprobar si'l cupón taba premiáu. El supuestu montante de tolos premios subía a 800 millones d'euros.

   El 'ganchu' acordó cola víctima quedase colos cupones, llegando a un acuerdu col menguáu si-y daben 50.000 euros. A caún correspondía-y abonar, poro, 25.000 euros.

   Dempués de sacar el dineru, el supuestu discapacitáu pidió-y a la víctima qu'entrara a un chigre a por una botella d'agua pa tomar una pastiella. Pa que nun desconfiara, los estafadores entregáron-y los cupones supuestamente premiaos al entrar al chigre. Una vez fuera, el vieyu comprobó que desapaecieren y procedió a denunciar los fechos.