Esti sábadu que vien va tener llugar nel auditoriu de la Casa de Cultura de Llaviana’l conciertu Tradis 2014, un llugar d’alcuentru ente la canción tradicional asturiana y dellos de los más interesantes músicos del momentu.

Arrancando con una actuación-presentación de lo que la tarde nos va deparar de la mano de Pablo Carrera, a la gaita, David Varela, al curdión, y Estefanía Moro, al tambor, a los que van sigir dos pieces d’ella mesma interpretando a la pandereta un par de pieces.

De siguío vendrán les actuaciones de cantadores tan suxestivos como Thalía Noriega, Che de Cabaños, Mariluz Cristobal Caunedo, Omar Martínez y Marisa Valle Roso. Que se dexen acompañar por músicos como los citaos anteriormente y, arriendes, Lisardo Prieto, al vigulín, Luis Ángel Fernández, a la pandereta, Xuacuj Amieva, a la bandurria y a la gaita, y Pepín de Muñalén, a la flauta.

Actuaciones que completarán el conciertu colos bailles d’Estefanía Moro y Luis Ángel Fernández, y el diálogu humorísticu ente los dos actores del grupu Más Que Dos. Pa noventa minutos de conciertu que va naguar por ufiertar idees nueves a vieyes canciones del repertoriu tradicional asturianu.