Madrid (E.P.) .-Coca-Cola retiró esti miércoles la so última campaña publicitaria na que participaba l'actor Gotzon Sánchez --collaborador d'una plataforma d'apoyu a presos d'ETA considerada socesora de les illegalizaes Gestoras Pro Amnistía y Askatasuna--, y quiso "pidir disculpes" a toos aquellos que se sintieren "ofendíos".

   "L'anunció ta retiráu", confirmó la compañía en declaraciones a Europa Press, asegurando que Coca Cola "desconocía" el currículum", "los detalles" y yera "ayena dafechu" al contestu políticu del actor que protagoniza'l so anunciu. "El currículum de la xente que participa nun 'spot' ye un asuntu que lleva la productora y a lo que Coca-Cola ye ayeno", aprofió.

   Coles mesmes, la compañía pidió perdón a les víctimes de terrorismu, asina como "a toos" los que se sintieren "ofendíos" col visionáu del 'spot'. "Yá se retiró y pidimos disculpes", repitió.

   Según publica güei El Mundo, el presidente de Dignidá y Justicia, Daniel Portero, unvió ayeri una carta al presidente de Coca-Cola España pidiéndo-y la retirada la so última campaña publicitaria na qu'apaecía Gotzon Sánchez, pol so apoyu a presos d'ETA y la so collaboración cola organización 'abertzale' Herrira nos sos actos.