Andecha Astur rializó la entruga al traviés del Diputáu Jon Iñarritu –Amaiur-
miembru de la coalición Los Pueblos Deciden, de la que forma parte.
Na so recién visita a Asturies pa participar na campaña d’Andecha Astur-Los Pueblos
Deciden pa les elleiciones europees, Jon Iñarritu, Diputáu d’Amaiur nel Congresu
español acompangó a representates d’Andecha Astur a una xunta colos vecinos
de San Andrés de los Tacones afeutaos pola ZALIA.
En dichu alcuentru, Andecha Astur y los vecinos espunxeron al diputáu l’actual
situación d’incertidume na que viven asina comu los antecedentes sobro los 4 millones
de m2 incluyíos na ZALIA de los que se desendolcó nuna 1ª fase 1 millón de m2 y qu’a
díi de güei –comu pudo comprobar Jon Iñarritu sobro’l terrén- costitúin un enorme
escampleru nel que nun se cumplieron les previsiones d’implantación d’industries, pero
sí supunxeron la espropiación forzoso pa munchos vecinos (unes 70 cases) y una delda
de 90 millones de € a la que por exemplu, l’Aytu de Xixón, parte integrante, nun sabe
comu faer frente.
L’esmolecimientu agora de los vecinos de San Andrés ye la estación intermodal que paez
ser que ta proyeutada pero de la que nun recibieron información y l’afección de les finques
asitiaes nos tarrenos de les siguientes fases de la ZALIA que con cuasi que total probabilidá
enxamás nun se va a desendolcar a la vista de la evolución de la 1ª fase y de la situación
d’El Musel, al que diba amestáu esti macroproyeutu enartáu nes obres faraóniques del
gobiernu d’Areces (PSOE-IU).
Nesti senu, el diputáu compormetióse colos vecinos a que, a pidimientu d’Andecha Astur
plantegaría al Gobiernu nel Congresu de los Diputaos les entrugues pertinentes pa que
podamos conocer los planes sobro la estación intermodal y el so financiamientu.
Asina nel díi d’ayeri, 19 de mayu, quedaron rexistraes les siguientes entrugues:
1. ¿Cuál es la situación del proyecto de construcción de la estación intermodal de Gijón/
Xixón planificada en la ZALIA?
2. Contempla incluir el Ministerio de Fomento la ZALIA en el Plan Logístico Nacinal en
el grupo de Terminales Logísticas Estratégicas Españolas?
3. Se han recibido fondos de la Unión Europea para el estudi del proyecto de la estación
intermodal de Gijón/Xixón. De ser una respuesta positiva ¿De qué cantidad? ¿En qué
se han empleado o se estiman emplear?
