El gobiernu de transición de Llibia pasa pelos sos peores momentos tres de los disturbios de los caberos díes en Benghazi y Trípoli que dexaron 77 muertos. L’Executivu llamó a les milicies del país a dexar de solucionar les diferencies al traviés de les armes.

Poques hores enantes un comandante militar d’altu rangu anunciara la disolución del gobiernu y del parlamentu nun dircursu emitíu pela televisión. Les autoridaes nun ficieron nengún comentariu al respectu.

El xefe de la policía militar, Mojtar Fernana, anunció qu’una Comisión elexida va redactar una constitución y va tomer nes sos manes les tarees llexislatives. “El puebli llibiu nun va permitir que’l país se convierta nun abellugu de terroristes y extremistes”, anunció Fernana n’alusión a la debilidá del gobiernu de Trípoli.

Los disturbios entamaron el vienres en Bengasi y el domingu llegaron a la capital, onde milianos armaos tomaron el parlamentu. En Benghazi fueron atacaos cuarteles de milies islámiques.

Los atacantes son soldaos rebeldes que son apoyaos por milies de la ciudá d’Al Sintan. El so obxetivu ye expulsar del país a los grupos armaos islamistes, que se multiplicaron dende la cayida del réximen de Muamar al Gadafi en 2011.