La banda puertorriqueña Calle 13 estrenó oficialmente’l so tema “Ojos color sol”, un nuevu cenciellu del so últimu discu, “Multi_Viral”, nel que participa’l cantautor cubanu Silvio Rodríguez.

René Pérez, cantante de Calle 13, explicó nun comunicáu que la lletra de la canción, escrita en gran parte en Cuba, fai referencia a los güeyos de les persone que nun nenesita la lluz del sol pa brillar “porque la belleza del mundu” illumínalos.

“Nel mediu del cantar los güeyos d’esta persona comiencen a eilluminar un mundu nel que la belleza conecta dende otra perspectiva, onde les gallines bramen y les vaques cacarexen”, detalló’l cantante, conocíu como Residente.

Según informaron los representantes de Calle 13, la collaboración con Silvio Rodríguez surdió a partir de que l’artista cubanu dixera nuna rueda de prensa en México que tenía interés en collaborar con Pérez y l’hermanu, Eduardo Cabra, conocíu como Visitante, porque “teníen un espíritu creador ya inconforme”.

Rodríguez enfaitzó la so almiración pol grupu boricua “non solo poles sos postures ideolóxiques, sinon tamién pola creatividá que demuestren nos sos discos”, colos que llevn ganaos 19 premios Grammy llatinos.