La policía turca detuvo esti domingu a 18 persones sospechoses de meglixencia, incluyendo a executivos de la compañía qu’opera la mina de Soma, en conexón col accidente qu’esta selmana dexó 301 muertos.

Les autoridaes turques punxeran fin esti sábadu a los llabores de rescate na mina de Soma cola recuperación de los últimos cuerpos de los 301 mineros fallecíos nel peor accidente industrial de la hestoria del país.

La fiscalía movilizara’l vienres a decenes de persones pa investigar l’incendiu y la explosión –aparentemente causaos por un cortacircuitu- nesa mina privada. La empresa qu’opera na mina, Soma Komur, negara enérxicamente cualaquier responsabilidá.

Un informa preliminar del accidente señaló varios incumplimientos de seguridá na mina, ente ellos una escasez de detectores de monóxidu de carbonu y techos de madera y non de metal.

La traxedia azuzó la indignación ciudadana en Turquía escontra’l gobiernu y la so insesibilidá ante un accidente d’estes dimensiones.