El premiu ta dotáu con 300 euros de material escolar pa la clase d’asturianu

Avilés.-L’institutu Nº5 d’Avilés proclamóse ganador del concursu de trabayos presentaos polos institutos dientro les actividaes de les “XI Xuntes d’ escolines y escolinos” qu’esti añu tuvieron dedicaes al cómic.

Unos doscientos escolares de secundaria y bachilleratu, de cinco centros educativos (IES Carreño Miranda, IES Virgen de La Luz, IES Nº5, IES Menéndez Pidal, IES Los Campos) espusieron el martes los sos trabayos nel escenariu del auditoriu de la Casa la Cultura.

El xuráu valoró na representación de los alumnos y alumnes del IES Nº 5 les diferentes artes artes asoleyaes nel escenariu: escéniques, plástiques y doblaxe, y el bon usu de la llingua asturiana. Los miembros del xurado fueron:

• Miguel Solís Santos dibuxante y miembru de l’Academia de la Llingua Asturiana
• Hugo Cortina Fanjul, especialista en llingua asturiana y responsable del Serviciu de Normalización Llingüística de San Martín del Rei Aurelio
• Olga Cuervo Álvarez, actriz y miembru de la Rede Internacional de Cuentacuentos

El premiu ta dotáu con 300 euros de material escolar pa la clase d’asturianu.