L’actor guatemaltecu Óscar Isaac confirmó esti día que’l rodaxe de la nueva película de Star Wars va entamar a finales de mayu en Londres, en declaraciones al programa de radio Front Row de la emisora británica BBC Radio 4.

Star Wars VII, baxo la dirección de J.J. Abrams, va contar con Harrison Ford, Carrie Fisher y Mark Hamill, que val volver interpretar a Han Solo, la princesa Leia y Luke Skywalker, respectivamente, xunto a otros rostros conocíos de les cintes orixinales como Anthony Daniels, Peter Mayhew y Kenny Baker.

Ente les nueves incorporaciones figuren los nomes de John Boyega, Daisy Ridley, Adam Driver, Andy Serkis, Domhnall Gleeson, el veteranu Max von Sydow y Óscar Isaac , al que’l papel protagonista en “Inside Llewyn Davis”, de los hermanos Cohen, valiéra-y la nominación a los Globos d’Oru como meyor actor.

L’actor guatemaltecu, que tamién ye músicu, confesó ser fan de la saga, hasta’l puntu que de pequeñu mazcaritábase de dalgún de los personaxes, polo que de la qu’Abrams-y lo propunxo a primeros d’añu recibió la noticia con una gran emoción.

Esti nuevu episodiu, que va aportar a les sales de cine n’avientu de 2015, va ser la primer cinta producida por Disney dende qu’adquiriera, n’ochobre de 2012, los derechos de la empresa Lucasfilm, propietaria de la franquicia Star Wars, ente otres.

La nueva entrega, con guión firmáu por Lawrence kasdan y el propiu Abrams, va desarrollsa 30 años depués de los sucesos acontecíos en El retornu del Jedi.