Madrid.-Prisiones concedió al anterior voceru de Batasuna, Arnaldo Otegi, un permisu estraordinariu de salida de la cárcel de Logroño, na que cumple condena, pa poder dir visitar a la so madre, que s'alcuentra gravemente enferma, según informaron a Europa Press fontes penitenciaries.

   Eses mesmes fontes precisaron que se trata d'un derechu qu'asiste al presu y una obligación pa la institución penitenciaria recoyíu nel articulo 47 de la Llei Xeneral Penitenciaria, que reconoz estos permisos en casu de muerte o enfermedá grave d'un familiar o la nacencia d'un fíu.

   Prisiones dio instrucciones a la Ertzaintza pa qu'adopte les midíes de seguridá necesaries pa la custodia del dirixente de la izquierda 'abertzale' y pa que'l permisu nun s'utilice pa fines distintos de los que ta previsto.

   Arnaldo Otegi, que va salir de la cárcel lo más pronto, según les mesmes fontes, tendrá que volver a la cárcel de Logroño una vez qu'acabe la visita.