Peter Dinklage, l'actor que da vida a Tyrion Lannister en 'Juego de tronos', ofreció una entrevista a Hit Fix con motivu del estrenu de X-Men: 'Days of Future Past', na que dixo conocer dellos detalles del final de la serie.
L'actor reveló qu'ente "unes copes de vinu", los responsables de de la serie David Benioff y D.B. Weiss diéren-y delles pistes sobre'l desenllaz entamáu por George R.R. Martin. "Si revelara dalgún d'esos detalles tendría que matavos", bromió Dinklage al escuchar les preguntes sobre'l final. L'actor tamién comentó que ta "bien cómodu" trabayando en 'Juego de Tronos' y que l'elencu constitúi pa él "una gran familia".
El que da vida al nanu Tyrion Lannister, tamién señalo que-y prestaba trabayar en dalgún proyectu con Liam Cunningham (Davos Seaworth) y Stephen Dillane (Stannis Baratheon). Dinklage apuntó que "anque Tyrion nun quisiera averase a ellos" a él prestaría-y poder "rodar con ellos una película independiente o daqué paecío".
Peter Dinklage alcuéntrase promocionando 'X-Men: Days of Future Past' ('X-Men: Díes del Futuru Pasáu'), el nuevu llargumetraxe de la saga de mutantes de Marvel. Nesta cinta, Dinklage encarna a Bolivar Trask, un home que va delles décades punxo en marcha'l programa Centinela, y baxo'l que creó unos enormes y poderosos droides que tienen por misión esterminar mutantes. (E.P.)
