Una de les poques adolescentes qu’escapó de les manes de los extremistes islámicos que secuestraron a más de 300 xóvenes estudiantes en Nixeria dixo esti domingu que nun yera quién a expresar con palabres lo aterrador que fuera’l secuestru y agregó que taba con enforma medrana como pa tornar a la escuela.
La estudiante de ciencies Sarah Lawan, de 19 años, dixo que más moces podíen haber escapao, pero que temíen que los sos captores-yos dispararan. Lawan faló en llingua hausa nuna entrevista telefónica dende Chibock, onde vive cola so familia y el sitiu del secuestru masivu nel norte de Nixeria. La incapacidá pa rescatar a les 276 moces que siguen secuestraes dende va cuatro selmanes causó una medrada indignación nel país y el restu’l mundu.
La policía diz que 53 estudiantes escaparan y que los secuestradores amenezaron con vender a esclavistes al restu les moces. Lawan faló al tiempu que s’espera la llegada de más expertos p’axudar na busca, incluyendo negociadores de rehenes de los Estaos Xuníos. El gobiernu nixerianu aceptó bien sero ufiertes d’axuda la selmana pasada per parte de los Estaos Xuníos, Francia, Xina y España.
Tamién el domingu, un importante grupu nixerianu de derechos humanos demandó que’l Conseyu de Seguridá imponga sanciones al grupu terrorista Boko Haram, que secuestró a les estudiantes y dixo que les expresiones de preocupación y condena nun son suficientes.
Una de les poques adolescentes qu’escapó de les manes de los extremistes islámicos que secuestraron a más de 300 xóvenes estudiantes en Nixeria dixo esti domingu que nun yera quién a expresar con palabres lo aterrador que fuera’l secuestru y agregó que taba con enforma medrana como pa tornar a la escuela.
La estudiante de ciencies Sarah Lawan, de 19 años, dixo que más moces podíen haber escapao, pero que temíen que los sos captores-yos dispararan. Lawan faló en llingua hausa nuna entrevista telefónica dende Chibock, onde vive cola so familia y el sitiu del secuestru masivu nel norte de Nixeria. La incapacidá pa rescatar a les 276 moces que siguen secuestraes dende va cuatro selmanes causó una medrada indignación nel país y el restu’l mundu.
La policía diz que 53 estudiantes escaparan y que los secuestradores amenezaron con vender a esclavistes al restu les moces. Lawan faló al tiempu que s’espera la llegada de más expertos p’axudar na busca, incluyendo negociadores de rehenes de los Estaos Xuníos. El gobiernu nixerianu aceptó bien sero ufiertes d’axuda la selmana pasada per parte de los Estaos Xuníos, Francia, Xina y España.
Tamién el domingu, un importante grupu nixerianu de derechos humanos demandó que’l Conseyu de Seguridá imponga sanciones al grupu terrorista Boko Haram, que secuestró a les estudiantes y dixo que les expresiones de preocupación y condena nun son suficientes.
