Santiago de Compostela (E.P.) .-  El xuez Luis Aláez, que lleva'l casu pol accidente del Alvia'l pasáu 24 de xunetu n'Angrois, onde morrieron 79 persones, llamó a declarar a un total d'once directivos d'Adif cuando s'abrió la llinia Ourense-Santiago, según un autu notificáu esti vienres al que tuvo accesu Europa Press.

   En concreto, trátase d'Andrés Cortabitarte López, Juan Carlos Cáceres Díez, Mercedes Rodríguez Arranz, Félix Díaz Martínez, Juan Ángel Mairal Lacoma, Carlos Bartolomé Marín, Javier Hurtado Domínguez, Carlos María Juárez Cólera, Mercedes Caballero Fernández y Gerardo Luis Gavilanes Ginerés y Antonio González Marín.

   Nel autu, Aláez esplica que los informes preeliminares aportaos por cuatro de los seis peritos nos últimos díes ofrecen información que, al so xuiciu, "acarreta una provisional atribución de responsabilidaes penales a determinaes persones d'Adif responsables de la seguridá na circulación ferroviaria, como potenciales autores d'un delitu contra la seguridá colectiva, previstu y penáu nel artículu 350 del Códigu Penal, y partes nos delitos d'homicidiu y lesiones de los artículos 142 y 152 del Códigu Penal".