Andecha Astur presentó nel Congresu de los Diputaos varies entrugues dirixíes al Gobiernu español  pa conocer cuala ye la situación rial, asina comu l’actitú del mesmu respeutu a la Oficialidá de la llingua asturiana.

Énte la precariedá llaboral de los ensiñantes d’asturianu, xunto cola hipócrita actitú de la Conseyera d’Educación Cultura y Deporte del “Principado”, que lleva años ensin facer un res pola normalización del asturianu y la dignificación de la nuesa llingua nel sistema educativu,

afirmando que diba pidir de nueu al Ministeriu d’Educación español la especialidá docente de Llingua Asturiana, Rafael Larreina, diputáu d’Amaiur nel Grupu Mistu y compañeru de la coallición Los Pueblos Deciden pa les prósimes elleiciones europees, de la qu’Andecha Astur forma parte, presentó en nome de Andecha Astur delles entrugues al Gobiernu español pa confirmar la veracidá de tales afirmaciones y pa conocer cual ye’l futuru que-y espera a dicha especialidá metantu la llingua asturiana continúe ensin ser oficial.

Concretamente les entrugues rializaes fueron:

• 1.    ¿Ha recibido el Ministerio de Educación, en el pasado o en la actualidad, alguna solicitud por parte del gobierno del “Principado” para que se reconozca la especialidad de asturiano?.
• 2.    ¿Considera el Gobierno que la anormal situación de no oficialidad de la lengua asturiana puede impedir o dificultar el reconocimiento de dicha especialidad?

Asina mesmo y respeutu a l’anormal situación que carecemos n’Asturies ensin la reconocencia d’Oficialidá pa la llingua asturiana fexo esta otra entruga:

• 1.    ¿Hay algún obstáculo por parte del Gobierno para que la Llingua Asturiana sea oficial en el “Principado”?

Ye nido que p’Andecha Astur les pallabres de la conseyera, Ana González Rodríguez, merecen la mesma credibilidá que les del restu del gobiernu del “Principado”, y dende equí responsabilízala tantu a ella comu al so gobiernu de calterner una situación antidemocrática de represión llingüística que pretenden amarutar con pallabres vacíes y xestos gratuitos qu’a la fin nun tienen otru aquelli que’l distrayer l’atención de la sociedá asturiana faciendo ver que fain daqué metantu continúen col esaniciu de la llingua y la cultura d’Asturies.