Uviéu (E.P.) .- El futbolista Iker Casillas tuvo que pagar sobre dos millones d'euros a Facienda, y a otros xugadores tán investigándolos por presuntu fraude fiscal, como Xabi Alonso y David Villa, según publicó esti martes 'La Vanguardia'.

   La cifra pagada pol porteru respuende a les diferencies sobre cómo aplicar el tratamientu fiscal a determinaos ingresos, asegura'l diariu, y añade que fontes cercanes a representantes del xugador dicen que "tanto'l xugador a títulu personal como la so sociedá, Ikerka, tán al día de les sos obligaciones fiscales y coles cuentes con Facienda".

   Sí almiten qu'hubo "axustes por discrepancies na interpretación de la normativa" pero aseguren que los inspectores nun lu sancionaron, y foi posible algamar un acuerdu con Facienda.

   Polo menos siete a futbolistes tán investigándolos por presuntu fraude fiscal, acabante d'afectar al xugador Leo Messi; sicasí, na inspección a Casillas consideróse que, a diferencia de lo que l'Axencia Tributaria y la Fiscalía consideraron nel casu de Messi, nun hubo ánimu de refugar les obligaciones fiscales.

   Por eso, el so espediente nun se llegó a tramitar como delitu, lo qu'implica qu'esti casu nun s'envió a l'acusación pública con cuenta de querellase contra él nos tribunales.