Les fueyes nes que Bob Dylan escribiera la lletra de “Like a Rolling Stone” van subastase ‘l próximu 24 de xunu en Nueva York por un preciu estimáu d’ente 1 y 2 millones de dólares, informó Sotheby’s.
“How does it feel, how does it feel?” escribiera Dylan nel estribillu d’esa canción, qu’en 19565 disparara la so popularidá y lu tresformara d’un cantante folk nun iconu del rock. Les cuatro fueyes nos que’l músicu estadounidense van salir a subasta xunto a otros manuscritos y obxetos de la música del sieglu XX.
Con too, la xoya de la subasta ye’l borrador de la composición de Dylan, na que puen vese les correcciones que fue faciendo demientres escribía esti cantar catalogáu pola revista Rolling Stones como una de les 500 meyores canciones de tolos tiempos.
Asina mesmo, tamién aporten a la subasta’l contratu orixinal que la compañía PPX-y firmó a Jimi Hendrix, un póster d’Elvis Presley d’una actuación del Rei del Rock n’Oregón en 1957 y otru póster de los Rolling Stones d’un conciertu en París en 1965. Les diferencies de preciu de salida d’estos obxetos ye descomanada y va ente los 2 mil dólares que se piden por esti últimu póster al millón del que parte la canción de Bob Dylan.
Otru cantar de Dylan, “A Hard Rain’s A-Gonna Fall” (Una fuerte lluvia va cayer), compuestu en 1963, tamién va salir a subasta con un preciu estimáu d’ente 400 y 600 mil dólares.
