El presidente interín d’Ucraña. Alexander Turchinov, almitió tener perdíu’l control en dos provincies del este del país, onde separatistes prorrusos armaos continuaron güei’l so avance y tomaron baxo’l so poder nuevos edificios públicos nes ciudaes de Lugansk y Gorlovka.

Turchinoz señaló que’l gobiernu de Kiev yá nun controla les rexones de Lugansk y Donetsk, y esto débese a que les fuerces de seguridá son incapaces de controlar la situación.

En Lugansk, una ciudá de cásique mediu millón d’habitantes averada a la frontera con Rusia, milianos armaos tomaron los cuarteles de la policía rexonal. Imáxenes en televisión amosaron a miembros de la policía antidisturbios escoltaos por una multitú pro rusa delantre l’edificiu.

Alexei Chmilenko, líder de los manifestantes en Lugansk, dixo que los efectivos entregaron les sos armes ensin resistise. Tamién está baxo’l so control l’alministración rexonal y de la fiscalía de la ciudá.

En Gorlovka, na vecina rexón de Donetsk, homes armaos, mazcaritaos y con ropa camuflada, asaltaron la gobernación. Demientres, los separatistes frenaron les esperances d’una pronta lliberación de los observadores militares de la Organización pa la Seguridá y Cooperación n’Europas que s’alcuentren reteníos nel país.

La canciller alemana Angela Merkel desixó güei la so puesta inmediata y dixo qu’Alemaña, dónde son cuatro de los observadores, ta utilizando tolos canales diplomáticos pa solucionar la situación..