Andecha Astur, que solicitó dichu informe en calidá de denunciante a los Direutores Xenerales de la OLAF y de Política Rexonal, va facilitalu al conxuntu de la sociedá asturiana, acabando col oscurantismo cómpliz del gobiernu del Principáu” y del Estáu español.
Énte l’inxustificable secretismu del Estáu español y l’oscurantismo cómpliz del gobiernu del “Principado” negándose a facilitar a la sociedá asturiana l’informe emitíu pola OLAF en rempuesta a la denuncia de fraude de la obra d’ampliación d’El Musel presentada por Andecha Astur énte esti organismu européu, esta organización política comprometese a da-y fin a estes actitúes antidemocrátiques y poner en conocencia de tola sociedá asturiana los conteníos del informe de la OLAF, pa que seyan públicamente conocíes les inregularidaes, los sos responsables y les sos consecuencies.
Nesi sen, y en calidá de denunciante, reclamó per escritu dichu informe al Sr. Walter Deffaa, Direutor Xeneral de Política Rexonal Europea en Bruxeles y al Sr. Giovanni Kessler, Direutor Xeneral de la Oficina Europea Antifraude (OLAF).
Por otru llau Andecha Astur denuncia cómu’l Gobiernu del “Principado” pasó de pidir tresparencia pa poder aportar a dichu informe, a negase a facilitalo a la sociedá asturiana, manifestando comportamientu que pon n’evidencia nuevamente fasta qué puntu’l PSOE ta implicáu en toa esta trama fraudulenta y comu intenta patéticamente despintar la información y esviar l’atención
