Yá sonaron en Berlín 70 músicos, llideraos pol director venezolanu Carlos Izcaray, na Emmaus Kirche. Otra vuelta, Izcaray, xuníu al violinista Simón Gollo, llideren de nuevo una iniciativa de protesta na que la única arma va ser la música.

Asina, Conciertos SOS Venezuela ye una iniciativa lliderada por prestixosos músicos venezolanos residentes nel extranxeru que condenen les graves violaciones a los derechos humanos que güei sufre’l país. Como artistes, ante esti panorama, y convencíos de la importancia de ser la voz de Vnezuela delantre del mundu, decidieron pronunciase nuna xira de conciertos internacionales, usando’l so talentu como arma pa la sensibilización de la opinión pública mundial ante la situación de violencia que vive’l país.

Esta xira va entamar con un primer alcuentru en Filadelfia, el próximu 18 de mayu de 2014, nel Mitten Hall de la Universidá de Temple. Va continuar depués con una segunda presentación el 5 de xunu nel Lincoln Center, nel auditoriu de la Sociedá de Nueva York pa la Cultura Ética. Estos conciertos van facese cola fin d’upar les sos voces y la so música nuna llamada a individuos, organizaciones ya instituciones pa que s’amesten a la busca de la paz y del respetu a los derechos humanos en Venezuela, reiteradamente vulneraos.

Pa estos músicos ye fundamental que Venezuela y el mundu comprendan que la paz nun pue ser una tregua de violencia. Quier destacase la presencia de notables solistes, directores y compositores como Vanessa Pérez, Carlos Izcaray, Gabriela Montero, Efraín Amaya, Luigi Mazzocchi, Ricardo Lorenz, Luis Biava, Manena Contreras, Icli Zitella, Simon Gollo y Jan Wagner, ente otros.

Cabe destacar la valiosa presencia de xóvenes estudiantes de música, quien dende los Estaos Xuníos solidarícense col movimientu estudiantil ante la represión y les graves violaciones a los derechos humanos de les que fue víctima dichu movimientu por asumir el so llexítimu derechu a la protesta pacífica en Venezuela.