Entamáronse guerres por obteneles. Monxes medievales y bandíos modernos robáronles. Dos milenios depués de que los primeros mártires cristianos de Roma derramaran el so sangre, la fascinación y tentación por tener les reliquies católiques inda perdura. La canonización de dos papes mui queríos esti domingu, Juan Pablo II y Juan XXIII, vino agora a alimentar un descomanáu que parez nun tener acabu.

Como sucede cola xente que paga munchu dineru pa mercar l’uniforme del so atleta preferíu, bien de devotos cristianos sienten la mesma atracción poles reliquies yá que son obxetos que recuerden a les persones veneraes y que sirven de modelu. Les reliquies axuden a que los fideles s’asocien a los santos que, na so opinión, ten en cielu y sirven como vehíuclu d’oración.

El Vaticanu considera que toa venta de reliquies ye un sacrilexu y los fideles tienen vedao mercales y vendeles. Pero puen pagar importantes sumes de dineru por relicarios, bien de veces cubiertos d’oru o con xoyes incrustaes que sostienen el fragmentu d’un güesu, la tela manchada de sangre o cualaquier otra reliquia d’un santu.

Si se fai clic nel portal d’eBay hai una montonera de reliquies en venta que los sos vendedores dicen que son auténtiques. Les ufiertes más recientes inclúis un fragmentu de tela blanca con una mancha de color carmesí que se describe como una reliquia de primera clase de Juan Pablo II y que cuesta unos 9.800 dólares. El mesmu vendedor tamién ufierta un pequeñu trozu de tela, descritu como una prenda vestir usada por Juan XXIII por namás 98 dólares.

“De lo que trataron les cruzaes fue de l’apropiación de reliquies”, cuenta David Morgan, profesor d’estudios relixosos de la Universidá de Duke. Na serie de guerres llibraes polos llíderes cristianos europeos pa recuperar Tierra Santa en poder musulmán, los soldaos cruzaos trayíen de vuelta cdientos y cientos de reliquies de Xerusalén, Constantinopla y otros llugares repletos d’hestoria cristiana.