La celebración empieza'?l día 2 de mayu col homenaxe a la lliteratura en gallego-asturianu n?a Caridá

Asturies.-La 35 edición de la Selmana de les Lletres Asturianes, que va a estender les sos actividaes del 2 al 11 de mayu, tien como lema Dibuxando un camín y va tar dedicada al cómic asturianu, al coincidir anguaño col 125 aniversariu de la so primer manifestación, concretamente nel númberu 1 de la revista La Comedia Gijonesa, onde?l dibuxante Pepe Prendes publicó un cuentu popular con testu n?asturianu a pie de viñeta.

El programa inclui la celebración de dellos actos institucionales, conciertos, actuaciones, recitales, actividaes escolares y la publicación d?una obra preparada a costafecha pa la ocasión, Dibuxando un camín, qu?axunta cuatro historietes gráfiques dibuxaes por Isaac del Rivero, Ruma Barbero, Javier A. Marinas y Alfonso Zapico, ganadores del Premiu Alfonso Iglesias de Cómic, que la Conseyería d?Educación, Cultura y Deporte convoca dende?l 2009.

Esta obra de cómic va ser la protagonista'l vienres 9 de mayu, Día del Llibru Asturianu. En collaboración con sesenta llibreríes de la rexón, los compradores de llibros n?asturianu o en gallego-asturianu van tener un 10% de descuentu y van recibir como regalu la obra Dibuxando un camín. La novedá anguaño ye que tamién participen llibreríes del estremu occidental asturianu y que va haber una versión en gallego-asturianu del llibru regalu pa los compradores d?obres nesa llingua.

La Selmana de les Lletres Asturianes ábrese n?A Caridá el vienres 2 de mayu, a les 19 hores, col Homenaxe ás nosas lletras, un actu onde va haber una llectura pública institucional de testos lliterarios en gallego-asturianu y que va cuntar cola participación d?un bon númberu d?alcaldes de la zona. Tamién se va presentar el quintu númberu de Trabatel. Revista eonaviega de lliteratura, que se va regalar a los asistentes. L?homenaxe zárrase con un conciertu del dúu Mestura.

La participación de los escolinos tien tolos años un papel relevante na Selmana. El llunes 5 de mayu, a les 11 hores, el Teatru de Llaboral va acoyer la representación pa escolinos de la obra Bastián y Bastiana, de Producciones Nun Tris. Nesi mesmu escenariu, el miércoles 7 de mayu, a les 18 hores, va desenvolvese la gala d?entrega de los premios del II Certame de Teatru Escolar en Llingua Asturiana/Gallego-asturianu y tamién se van representar les obres premiaes. Nel certame participó más d?una ventena de centros. L'actu escolar institucional de la Selmana de les Lletres va celebrase nel IES de Llanes el xueves 8 de mayu, a les 12 hores, y nél van dase los premios artísticos y lliterarios convocaos por cuenta de la Selmana de les Lletres.

Pa poner el ramu a les actividaes pensaes pal públicu más nuevo, el sábadu 10 de mayu, a les 19 hores, estrénase nel Teatru de Llaboral Ciudá de la Cultura?l musical Nora, Mauro y los suaños, de Nacho Fonseca, cola collaboración de la OSPA, el coru infantil de la Fundación Príncipe d?Asturies y la Escuela Superior d?Arte Dramático del Principáu d'Asturies. Tamién va haber una preestrena pa escolinos el vienres 9 de mayu nel mesmu escenariu.  

El programa incluye otres actividaes:

      L'actu poéticu-musical La poesía asturiana nueva. Cola participación de los poetes Sofía Castañón, Vanessa Gutiérrez y Pablo Texón, y l'actuación de la cantante Marisa Valle Roso. Va ser na Capiella de los Dolores de Grau, el 5 de mayu, a les 19.30 hores, en collaboración col Aula de les Metáfores.
      La II Feria del Llibru y Discu n'asturianu, entamada en collaboración col Conceyu d'Avilés y l'Asociación de Llibreríes del Principáu d'Asturies, que va acoyer ente los díes 8 y 11 de mayu presentaciones de llibros, actuaciones musicales, sesiones de cuntacuentos y alcuentros lliterarios. La Feria va tar allugada nel edificiu de l'Antigua Pescadería Municipal d'Avilés.
       La presentación de los llibros ganadores de los cinco premios lliterarios n'asturianu del 2013, nuna mesa redonda que va tener como escenariu'l salón d'actos del Campus d'Humanidaes, n'Uviéu. Va ser el martes, 6 de mayu, a les 18.30 hores.

Amás, la Xunta Xeneral del Principáu d'Asturies va entamar un actu institucional de celebración de la Selmana el martes 6 de mayu, a les 12.00 hores, con una llectura pública de testos n'asturianu. Primero va haber una visita guiada pa los alumnos del IES Santa Cristina de L.lena, el centru de Secundaria con más porcentaxe d?elección de l?asignatura optativa de Llingua Asturiana y Lliteratura.

La Selmana de les Lletres Asturianes ye un eventu participativu, entamáu pola Conseyería d'Educación, Cultura y Deporte, onde collaboren bien d'instituciones, como la Xunta Xeneral del Principáu d'Asturies, la Universidá d'Uviéu, la Fundación Príncipe d'Asturies, l'Aula de les Metáfores o les Oficines de Promoción Cultural y Llingüística del Parque Históricu del Navia y de la Mancomunidá Ozcos-Eo. Tamién participen de manera especial los centros educativos, los llibreros, los editores, y los mesmos escritores, protagonistes d'estes xornaes.