El doblaxe EL ROSTRU IMPENETRABLE (ONLINE ) ye’l programa más vistu de ‘TPA a la carta‘, teniendo superao la cifra record de 50.000 reproducciones. Ye tamién el títulu que más rápido foi algamando esa posición cimera nel siguimientu per internet. Na RTPA pue igualmente accedese al visionáu dende la páxina de presentación de la so web http://www.rtpa.es.

EL ROSTRU IMPENETRABLE, con  un 5,1%, superó l'audiencia media de la cadena del 27 d'avientu (4,9%), día de la so emisión, y del mes (4,7%). Los espacios programaos con anterioridá tuvieron per baxo de la media de TPA -''Date una vuelta'' 3,9%, y ''Superasturianos'' 4,5%-. Per otru llau, la película de la tarde en castellanu, Green Lantern (2011), tuvo tamién per baxo d'esta media, al quedar nun 4,4%.

Destaca amás l'audiencia social de la película. Asina, esti versionáu, al través del hashtag #ElRostruImpenetrable, foi ún de los espacios más comentaos na nueche del vienres 27 d'avientu ente los usuarios de Twitter n'Asturies, xenerando más d'un 80% de comentarios positivos.

El doblaxe EL ROSTRU IMPENETRABLE dirixólu y produciólu Illán Gonzali, cuntando con un repartu de más de veinte actores de doblaxe, ente ellos Carlos Novoa (Marlon Brando), José Antonio Lobato (Karl Malden), Ana Blanco Rozada, Ana Díaz Morán, Andrés Presumido, Carlos Alba, Alberto Rodríguez, Silvino Torre, Lluis Antón González, Olga Cuervo, Eladio Sánchez, Verónica Gutiérrez, Marisa López Diz, Ángel Héctor Sánchez, Norberto Sánchez, Carlos González, Begoña Faro, Mario Artidiello, Samuel Gradín, Hugo García, Carlos Rodríguez, Jéssica de la Paz, Xulián García y Fernando de Luxán. L'Academia de la Llingua Asturiana foi responsable del asesoramientu lingüsísticu.

Enllaz a FICHA TÉCNICA del doblaxe.