Gabriel García Márquez fue ún de los escritores más importantes de la hestoria de la lliteratura universal. En bona midida, por tener una de les proses más poétiques de la lliteratura, reflexada en cada una de les sos frases, ente les que destaquen:

“Los inventores de fábules que tolo creemos, sentímonos col derechu de creer que tovía nun ye enforma tarde pa emprender la creación de la utopía, onde les estirpes condenaes a cien años de soledá tengan por fin y pa siempre una segunda oportunidá sobre la tierra” (Discursu d’aceptación del Premiu Noben de Lliteratura, Estocolmo, 1982).

“Yo comencé a ser escritor de la mesma forma na que subí a esti estráu: a la fuerza” (“Yo no vengo a decir un discurso”, 2010).

“La música prestóme enforma más que la lliteratura” (Juventud Rebelde, La Habana, 1988).

“La primera condición del realismu máxicu, como’l so nome indica, ye que seya un fechu rigurosamente ciertu que, sicasí, parez fantásticu” (Reforma, México, 2000).

“Hai que xubilar la ortografía, terror del ser humanu dende’l bierzu (…) Simplificar la gramática enantes de que la gramática termine por simplificanos a nosotros” (Discurso de inauguración del I Congresu Internacional de la Llingua Española, Zacatecas, México, 1997).

“La crónica ye la novela de la realidá” (El Espectador, Colombia, 1991).

“Dacuando escaezse que la meyor noticia nun ye la que se da primero, sinon la que se da meyor” (Semanario Radar, Arxentina, 1997).

“Nengún dirixente políticu, nengún xefe d’estáu oye dafechamente a nadie. De manera que tener influencia nun xefe d’estáu ye lo más difícil qu’hai nestui mundu, y finalmente ellos terminen teniendo muncha influencia sobre ún” (Juventus Rebelde, Cuba, 1988).

“Pa mi, lo fundamental ye l’ideal de Bolívar: la unidá d’América Llatina. Ye la única causa pola que taría dispuestu a morrer” (Newsweek, EEXX, 1996).

“La fama tuvo a puntu de esfarrapame la vida, porque perturba tanto’l sentíu de la realidá como’l poder” (La Vanguardia, Barcelona, 2006).